Тајната на Бог Пресвета Троица Антониј П.

Христијаните веруваат во Бог Троица – Отец, Син и Свети Дух.  Троица не е три Богови, туку еден Бог во три ипостаси, т.е. три самостојни личносни постоења… Превод од: митрополит Иларион (Алфеев) Таинство веры. https://bit.ly/343Q1UX
  1. Тајната на Бог Пресвета Троица
  2. Недела на светите отци
  3. Чувствувањето на гревот и надежта во Бога
  4. Светата Тајна Крштение
  5. Светите Тајни на Црквата. Вовед.

Сите снимки: https://anchor.fm/petrusevski

Спомен на светите апостоли Вартоломеј и Варнава

Синаксар, составен од атонскиот јеромонах Макариј, од манастирот Симонопетра

Свети апостол Вартоломеј бил роден во Кана галилејска. Некои го поистоветуваат со Натанаил 580 – израилецот во кого нема лукавство, првиот исповедник на вера во Синот Божји (види: Јн 1, 45-49). Тој припаѓал во апостолите кои го следеле Христос до Неговото страдање и кои станале сведоци на Неговото Воскресение. По Педесетница, кога Христовите ученици со жреб избирале каде ќе проповедаат, нему му било определено да сведочи за Добрата Вест во Арабија 581. Тој прво тргнал на пат заедно со апостолот Филип и неговата сестра Маријамна [14 н. и 17 фев.] да го проповеда Евангелието во малоазиските провинции Лидија и Мизија. Во фригискиот град Јерапол тие биле фатени и распнати со главата надолу. Кога апостолот Филип ја предал душата на Бога, земјата се отворила и проголтала многу незнабошци. Тогаш, исплашените жители ги симнале Вартоломеј и Маријамна од крстовите. Светиот апостол го поставил Стахиј [31 окт.] за епископ на Јерапол, а тој го продолжил мисионерското патување.

Трпејќи глад, студ, опасности што го демнеле на патот, гонења и обиди да биде отруен, апостолот Вартоломеј просветил многу незнабошци со светлината на Вистината. Тој проповедал во Арабија, Персија и Индија 582, а на верните им го оставил Евангелието од Матеј, напишано на арамејски јазик. По 100 години тоа Евангелие било пронајдено од Пантен Александриски 583.

св. апостол Варнава и св. апостол Вартоломеј

Потоа апостолот Вартоломеј се упатил во Ерменија, каде што ја завршил проповедта во градот Албанопол 584. По заповед од царот Астраг (или Астиаг) тој, како и Учителот, бил распнат затоа што го обратил синот на царот во христијанството и ја избавил неговата ќерка од демон.

Телото на апостолот било положено во метален ковчег и го фрлиле во морето. Благодарение на Божјата Промисла, ковчегот не пропаднал во морето, туку стигнал до островот Липари, близу до Сицилија, каде од моштите се случиле многу чуда 587.

Свети Варнава е роден на Кипар, веројатно учел во школата на Гамалиил и бил левит. Живеел во Ерусалим, во времето кога таму почнала да се формира првата христијанска заедница. Гледајќи дека верниците кои се собрале околу апостолите имаат едно срце и една душа и сè им е заедничко, тој ја продал земјата што ја поседувал и ги оставил парите пред нозете на апостолите (сп. Дела 4, 32–37). Потоа тој, како апостолот Павле (сп. 1 Кор 9, 6) заработувал сам. Добар човек и исполнет со Светиот Дух и со вера (Дела 11, 24), имал дар на проповедање и утешување, затоа, иако при раѓањето бил наречен Јосиф, од апостолите го добил името Варнава, што значи „син на утехата.“

Continue reading

Празникот Сретение Господово и нашата средба со Христос

Сега го отпушташ Твојот слуга со мир Владико – овие зборови кои праведниот Симеон ги упатил кон Бога кога го зел Христос во рацете, станале дел и од химните на богослужбата на празникот Сретение Господово. Зборовите „сега го отпушташ,“ некаде се преведуваат како: ‘сега сум ослободен; зашто го видов својот Спасител’. Во ликот на доенчето што го држел, Симеон ги видел својот мир и слободата.

Кога бараме малку мир, ние знаеме да речеме: „Остави ме на мир.“ Но, лежерноста, безгрижноста, умствената задреманост, не се значењето што го има зборот мир искажан од старецот Симеон. Чувството на мир е чувство на блискост со Бога. Мирот ги приближува луѓето кон Бога и едни кон други, а не ги остава во мртвило и апатичност кон другите.

Continue reading

Недела на светите отци. Родословот на Господ Исус Христос

  • Претпоследната и последната Недела пред празникот на Рождеството Христово се нарекуваат: Недела на светите праотци и Недела на светите отци…
  • Новиот Завет започнува со земскиот родослов на Синот Божји. А, какво потекло на земјата може да има Првопричината на сѐ што постои, Творецот на духовниот и материјалниот свет?

Чувствувањето на гревот и надежта во Бога [audio]

– По гревопадот на прародителите, човекот, сакајќи да го игнорира Бога, потонал во сопственото незнаење и немоќ. Заради тоа на вратите на православниот духовен живот се испишани зборовите: „Познај се себе.“

– Човекот треба да ја возвиши својата слобода и да ја зголеми својата одговорност, да тргне од себе кон надминување на животниот безизлез, на пустелијата на светот и на парадоксот на историјата.

– Најдлабоката смисла на самопознанието е чувствувањето на гревот. „Мугра и почеток на спасението на душата е спознавањето и разбирањето на извршените гревови.”

– „Оној што ги познал слабостите на човечката природа, го примил искуството од Божјата сила.” – „Гревот и злото не доаѓаат од надворешна извалканост, туку од внатрешниот неуспех, од изопаченоста на волјата. Доследно на тоа, гревот се победува само со внатрешна измена и промена, а покајанието, пак, го добива печатот од благодатта во Светите Тајни.”