Велигденско послание од Вселенскиот Патријарх Вартоломеј

+ ВАРТОЛОМЕЈ,
ПО МИЛОСТА БОЖЈА
АРХИЕПИСКОП НА КОНСТАНТИНОПОЛ – НОВИОТ РИМ
И ВСЕЛЕНСКИ ПАТРИАРХ
ДО СЕТА ПОЛНОТА НА ЦРКВАТА
БЛАГОДАТ, МИР И МИЛОСТ
ОД ВОСКРЕСНАТИОТ ВО СЛАВА СПАСИТЕЛ ХРИСТОС.

“Првенец од мртвите бидна“ (воскресен тропар гл.3)

Возљубени во Господа чеда!

Ако Христовото Воскресение го засегаше само Христос, тоа би немало значење за нас. Но Христос не воскресна сам, туку го воскресна со Себе целото човештво. Еден од нашите големи претходници (од Константинополските Патријарси – забел. на прев.), св. Јован Златоуст возгласи: “Воскресна Христос и нема ниту еден мртов во гробот: Христос зашто, востана од мртвите, првенец од умрените бидна”. То ест, Христос, кога воскреснал од мртвите, го поставил почетокот на воскреснувањето и преминувањето од смртта кон животот за сите што биле умрени и за оние кои ќе умрат. Веста за Воскресението на сите им носи радост, зашто Христовото Воскресение ја уништува силата на смртта. Оние што веруваат во Христа го очекуваат воскресението на мртвите; заради тоа тие умираат со Христа во крштението и воскреснуваат со Него за вечен живот.

Светот, кој е далеку од Христа, се труди да стекнува материјални добра, на кои ги полага сите свои надежи. Тој неразсудно се надева дека со тие богатства ќе ја избегне смртта. Човекот, измамен од таа страст за натрупување богатства, кои небаре ќе можат да го продолжат неговиот живот, ја распространува смртта на другите. Тој им ја одзема можноста да преживеат и често сурово ја кине нишката на нивниот живот, надевајќи се дека на тој начин ќе го зачува својот сопствен живот.

Но, тоа е негова голема заблуда! Животот се добива само преку верување во Христос и преку соединување со Него.

Искуството на Православната Црква нѐ уверува дека, оние што се соединиле со Христос во овој живот, се живи и по смртта. Тие општат со живите, ги слушаат, и често, на чудесен начин, ги исполнуваат нивните молитви.

Нема потреба да се бара митската “вода на бесмертност”. Бесмртноста е – во Христос. Тој им ја дарува на сите луѓе.

Нема потреба некои народи да уништуваат други заради сопственото преживување. Нема потреба да се уништува животот на незаштитените луѓе заради повишување на степенот на живот на други. Христос на сите им дарува, како земски живот, така и небесен живот. Тој воскресна и оние кои што сакаат, го следат Него на патот на Воскресението. А оние што непосредно или посредно ја распространуваат смртта на земјата, мислејќи дека со тоа ќе го продолжат или ќе го олеснат својот живот, се осудуваат себеси на вечна смрт.

Воскреснатиот од мртвите, Господ наш Исус Христос, дошол во светот, за сите луѓе да имаат живот, и тоа живот во изобилство. Голема заблуда е да се мисли дека меѓусебното уништување на луѓето може да ја зголеми благосостојбата на човечкиот род. Христос воскреснува од мртвите и ја уништува нивната смрт. Во Негова власт е да ја надмине смртта. И фактот дека Тој ја победи смртта, сведочи за одвратноста што ја има кон неа. Христос води кон животот и ни го дарува повторно, во случај тој да бил прекинат, зашто Тој е “нашиот живот и нашето воскресение”. Затоа, ние верните не се плашиме од смртта. Нашата сила не е во неповредлвоста на нашето битие, туку во можноста за наше воскреснување.

Христос Воскресна! И ние ќе воскреснеме!

Браќа мои и чеда мои, возљубени во Господа, да го подражаваме Воскреснатиот Христос во сите Негови дела. Да им помагаме на оние што немаат средства за опстанок и не се способни да се заштитат себеси. Да им возвестиме на сите што не го знаат Христовото Воскресение, дека отсега смртта е победена, и би требало тие да можат да учествуваат во Неговото Воскресение, верувајќи во Христос и следејќи ги неговите стапки. Нашето воскресение е во сила само тогаш, кога ние им го носиме него и на нашите браќа кои не веруваат заради нивното воскресение. Само тогаш победоносното возгласување “Христос Воскресна!” спасително ќе воздејствува на целото човештво. Нека биде така.

Пасха 2012 г.
Пламен молитвеник за сите вас,
Вселенскиот Патриарх

Aнимирани настани од Новиот Завет: Христос воскресна

„Христос Воскресна“ е анимација за за најголемото Чудо – Воскресението на Господ Исус Христос. Тагата и очајот се претвориле во совршена радост и љубов кога учениците го виделе воскреснат нивниот Учител.

The Animated Stories From the New Testament: He is risen
Студио: Nest Family Learning, Година: 1988, Траење: 30 мин., Јазик: English, Титлови: Македонски (вградени). Download: He is risen 413 MB

Анимирани настани од Библијата: Давид и Голијат

Кога гoрдиот и моќен цар Саул не се покорил на Божјите заповеди, Бог избрал едно момче, овчарот Давид, и му дал сила да го убие џинот, Филистеецот Голијат. Давид, според луѓето најнесоодветниот кандидат за да биде избран од Бога, извојувал победа за Израилците на бојното поле против Филистејската армија.

The Animated Stories From the Old Testament: David and Goliath
Студио: Nest Family Learning, Година: 1994, Траење: 25 мин., Јазик: English, Титлови: Македонски (вградени). Download: David and Goliath 323 MB

Впечатоци од велигденскиот духовен концерт

Ако се има предвид широко-распространетата уметничка суета, за почит е смирениот пристап на композиторот кој филхармонијата ја искомбинирал во органско единство со одамна-установената музичка варијанта на богослужбено пеење на статиите, па дури и ја потчинил на тој мелос, без егоистична намера за каприциозно истакнување. Мислам дека со таа инструментална скротеност се доби само поголема музичка торжественост и величественост, отколку ако тоа би биле само „варијации на тема“ или „со мотив од…“ Музиката, која ја нарекуваат: византиска, источна, старомакедонска, всушност е сублимат на оние музички интервали од широк географски простор, во кои на најсуптилен начин се содржани човековите молитвени песнопеења, фалења и повикувања на Бога „ex profundis.“ Убеден сум дека тоа е мелосот кој со мекоста и со брановидноста на својата музичка линија има најсилен потенцијал да го засегне и смекне вознемиреното срце на современиот човек и да ги израмни и подготви патеките во душата за Господа. Честитки и благодарност до сите чинители што го овозможија ова ретко музичко доживување. (Повеќе детали и фото од концертот на: bigorski.mk) Во продолжение на овој прилог е приложена снимката на концертот во 6 делови:

Анимирани настани од Стариот Завет: Самуил

Aна го исполнува своето ветување и го посветува нејзиниот син на Бога. За возврат, Бог ја благословува Ана, така што нејзиниот син го изибра да биде пророк на народот Израил.

The Animated Stories From the Old Testament: Samuel
Студио: Nest Family Learning, Година: 1993, Траење: 25 мин., Јазик: English, Титлови: Македонски (вградени). Download: Samuel 306 MB

Крштевањето на Искандер

Руската писателка Наталија Сухинина раскажува како мајка и дете биле крстени по укажување од Пресвета Богородица.

Прилично долго живеам во долината крај Пицунда. Таму имаме куќa, а покрај неа – параклис на Казањската Божја Мајка. Пред многу години ја осветивме во присуство на многу луѓе. Дојдоа свештеници од Москва, дојдоа овдешните отци, Ерменци од планините, од горното село Агарака. Беше многу голем празник и оттогаш мојот параклис со вера и вистина им служи на сите; и на овдешните и на другите што доаѓаат на одмор. Воглавно доаѓаат свештеници со семејствата, предавачи на неделни школи, православни луѓе од разни храмови. И секогаш кај нас летно време е весело, интересно и се случуваат различни, зачудувачки настани.

Сакам да раскажам нешто што ме восхити, иако оттогаш помина долго време.

Додека траеше војната во Абхазија, некој Абхазиец бил тешко ранет и сместен во болницата во Башкирија. Таму се запознал со девојка – Tатарка, Рамилја, која многу му помагала. Тој се оженил со неа и ја доведе во Абхазија. Се запознав со неа и станавме пријателки. Таа често доаѓаше кај мене, или за некои празници, или едноставно на гости. Им се роди син, Искандер. Тој тогаш имаше, мислам, четири години.

И ете, еднаш таа дојде кај мене со синот и вели: „Знаете, денес Искандер кога се разбуди, рече: Мамо, сонував една матушка, која рече дека треба да се крстам.“ Зборот „матушка“ е православен, тој не можел да го измисли, во нивната средина не можел да го слушне. Рамилја е муслиманка… Односно, детето не лажело, не измислувало.

Јас реков: „Рамилја, преку устите на младенчињата говори вистината.“ Таа одговори: „Не сум против, само некако ми е необично…“ Поседовме, се напивме чај, поразговараме.

Потоа, таа на заминување рече: „А може ли јас да го одведам Искандер во параклисот?“ Одговорив: –„Секако!“ И си мислам: „Како да му речам на детето – во параклис? Нема да разбере.“ Реков: „Ајде, Искандер, ќе ти покажам едно убаво место.“ Го фатив за раче, се качуваме низ шумата, стигнуваме до параклисот. А во средината на параклисот стои иконата на Казањската Божја Мајка. Влегуваме, тој се доближува до таа икона и детски кикотејќи се, покажува со прст:    „Еве, оваа матушка рече дека треба да се крстам.“

Тогаш ние со Рамилја се погледнавме. „Рамилја, а сега што ќе речеш?“ Таа одговори: „Не знам, потресена сум.“

Потоа јас заминав, повторно се вратив и знев дека кај мене ќе дојде свештеник и ќе може да го крсти детето. И велам: „Рамилја, не се премисли ли за да биде крстен Искандер?“ Таа одговора: „Вие не знаете сè. И јас со него ќе се крстам.“ Потоа дојде свештеник и ги крсти Рамилја, која стана Наталија, моја имењачка, сестра во Христа, и Искандер кој сега се вика Александар. (Превод од: pravmir.ru)