Аудио проповед од светителот Јован, архиепископ Шангајски и Сан-Франциски

На денешен ден, 2 јули 1994 г., Руската Задгранична Православна Црква го вброи во соборот на светите прекрасниот Божји угодник на XX век, светителот Јован (Максимович) Шангајски и Сан-Франциски чудотворец.

…Од 1929 г. бил предавач и воспитувач во богословијата Св. Апостол Јован Богослов, во Битола. Во Битола светителот Јован ја придобил љубовта од своите воспитаници и тогаш станале познати неговите духовни подвизи. Светителот со особена татковска љубов ги всадувал во учениците високите духовни идеали. Тие први го забележале неговиот вонреден аскетски подвиг. Епископот Николај (Велимирович) го ценел и го сакал младиот јеромонах Јован. Еднаш пред заминување од училиштето, тој се свртел кон малата група ученици и им рекол: „Деца, слушајте го отец Јован; тој е – Божји ангел, во човечки лик.” Еве можност да го слушнеме неговиот глас во проповед за благоразумниот разбојник: